NY FIAINANAY MADINIKA (ARIMBOLA FENOTSIKY)

Ny fiainanay madinika:
Nanjary rotoroto lava;
Tsy fantatra mazava.
Fa mitolona isan'andro,
Miketrika nahandro.

Karama varimasaka,
Tsy mahampy sasaka
amin'ny volana iray
Dia mandry fotsy zahay.

Kikisan'adin-tsaina,
Tsy mahalala maka aina
Fa ny hitady vola ihany
No an-dohanay any.

Tsisy mahare ny antso avo.
Ka hany hery, mivarilavo.
Rehefa samy tsy henoina
Dia aleonay toaka no sotroina!
ARIMBOLA FENOTSIKY.
--------