HORONAM-PITIA (DADAFARAtolotra)

Vonikazo mamony mangina
Mandrobona anatiny fo
Manala fangirifirina
Mahavita manangan-tamboho
Ny fitiavana hatolotro anao !

Ny ranon’ilay fitokisana
Sy zezik’ireo fanajana
No sehatra mba himafisana
Ka ho soratra tsy azo fafana
Ny fitiavana hatolotro anao !

Ka ito ny foko androany
Mirongo fitia tena marina
Mahenika hazava ny tany
Toa volana saro-takarina
Ny fitiavana hatolotro anao !
--------