NY SAKAFONAO (hjravs)
Pas encore lu
(Nalaina tao amin'ny vetso.serasera.org)
NY SAKAFONAOMantamanta mohaka,
sarotra levonina
ny ventin'ampangoro narosonao ho ahy;
tena tiako hitohaka
ny molotro 'lay roni-na-
atim-borona, saingy... vorona mifahy!
Ny sakafonao tsy hoe halako,
f'ilay vavony adalako
no mifidifidy hanina,
k'aleo, aky, hilamina...
'zaho ange tsy fady,
f'ilay kalin-dry no tsy miady
amin'ity fahasalamako!
Tsy hoe fihafahafako,
f'aleo ho amin'izao!
Dia misaotra, indrindra, amin'zay narosonao!!!
hjravs
--------
Lien:
Fans:
Masoandro Mainty
Commentaires
DotMG
(
09/07/2016 06:47)
NY NAHANDROKO.
Ka inona ihany no mety amin-droky?
'zay rehetra nandramana samy natosika
Lazao raha mba misy sakafo mahavoky
Hampahazoto homana ka hambosibosika?
Nandramako ireny: dibera, ronono
Lazaina fa hoe mamparary mivalana
Dia avy eo nosoloin-jana-poza natono
Tsy nety afa-po ise fa dia nihalangalana.
Vary ampangoro, izay nahandro gasy
Lazaina fa mamofompofona hery (*)
Inoako ihany koa izao f'ilay mananasy
Hotazanim-potsiny, havela ho very.
(*) hery = fivalanana.
Ka inona ihany no mety amin-droky?
'zay rehetra nandramana samy natosika
Lazao raha mba misy sakafo mahavoky
Hampahazoto homana ka hambosibosika?
Nandramako ireny: dibera, ronono
Lazaina fa hoe mamparary mivalana
Dia avy eo nosoloin-jana-poza natono
Tsy nety afa-po ise fa dia nihalangalana.
Vary ampangoro, izay nahandro gasy
Lazaina fa mamofompofona hery (*)
Inoako ihany koa izao f'ilay mananasy
Hotazanim-potsiny, havela ho very.
(*) hery = fivalanana.
hjravs
(
11/07/2016 11:55)
(y), Milay, nama izy 'zany, tsy 'lay nahandro fa 'lay dokam-barotra a!
Ka ny ronono
rehefa mivadika tena mamono;
ny foza kely,
mampagidihidy k'aleo tsy mamely;
ilay mananasy
vao miha-mahanoana, nefa fango i Ragasy,
ho lo eo ny tsinainy
satria "fery vao" no hifangaro amin'ny T.iny!
Oviana, ihany re, vao ho tojo ampangaro manitra sy varanga tsara tono e!
Ka ny ronono
rehefa mivadika tena mamono;
ny foza kely,
mampagidihidy k'aleo tsy mamely;
ilay mananasy
vao miha-mahanoana, nefa fango i Ragasy,
ho lo eo ny tsinainy
satria "fery vao" no hifangaro amin'ny T.iny!
Oviana, ihany re, vao ho tojo ampangaro manitra sy varanga tsara tono e!
