TAXI BE (JAO Anjara)

Taxi be
O ! ry mpandeha hajaina
Tsy mba sasatra mandeha
Ilay nifoha maraina
Sy manome frais

Raha mba sitrakao
Ny hampaharitra anay
Aza lavina izao
Mba kajio izahay

Ny rano izay sotroina
Efa tena miha kely
Isanandro hiaramboina
Eny Ambodivonikely

Tsy mitsaha miaka-bidy
Na ny rano na ny koja
Hatramin’ny fanalahidy
Mila hivadika ho fonja

Hianao no hantenaina
Hanavotra anay
Mba tsinjovy re fa maina
Efa tena mila ho fay

JAO Anjara
--------