Zandry ô ....Nahoana kay? (ketaka kely)

Mbola tsisy niantsa

Hangataka antsa
(Nalaina tao amin'ny vetso.serasera.org)
Zandry ô !!

Raha fantatrao f'ilay Nahary
No naha toy izao anao
Nahoana kay raha abaribary
Fa asatanany ianao ?

Raha fantatrao fa mbola ho avy
Ilay masoandro anjaranao
Nahoana kay no araviravy
Ireto ratsambatanao ?

Raha fantatrao fa tsy maintsy hisava
Ny raho mainty mitatao
Nahoana kay no avela ho rava
Ny fanantenana anatinao ?

Raha fantatrao fa tena tia
Reo fianakaviana havanao
Nahoana kay no dia minia
Amin'ny fivarialavonao ?

Raha fantatrao fa raha miezaka
Dia ho tafita any aoriana
Nahoana kay no hitofezaka
Sy toa mitango fahoriana ?

Raha fantatrao fa ny Mpamonjy
Hanome fiainana milay
Nahoana kay raha hitady vonjy
Mandeha mivavaka amin'izay?

Raha fantatrao zay rehetra izay
nahoana kay .....?

atolotra ho an'ny zandry rehetra
--------
Rohy:
2013 1
Hevitra mandeha
Zozoro ( 30/07/2009 13:14)
Ketaka kely ô !

Sambatra i Zandry manana anao...
Hametraka hevitra
Midira aloha
Momba ny tononkalo
Mpanoratra : ketaka kely
Nampiditra : nyratsima
Daty : 20/07/2009 15:13
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0102