TAO AMPANDRIANA (lain's rakoto)

Io diavolana ioa
Manintona hikalo
Hikalo izany hatsaranao
Ilay hatsaranao tsy manam petra
Miavaka amin'ny voary rehetra
Toy ny lisy an-jaridaina
Tsara sy mendrika tokoa
Ny endriky ny molotrao roa
Tahaky ny raozy vao mamelana
Manintra sy maha te ho tia.
Tiako horohana foana
Tsy lany hamamiana mandavan-taona
Ny vatanao miendrika gitara
Kanto sady lafatra tsara
Ny endrikao rehetra
Toy ny volamena ravahana diamondra
Alofan'ny volonao misahondrahondra
Mambabo izany foko
Mafy te hanonja
Toa diavolana mitondra ahy ikalo
Hamariparitra ny hatsaranao
Ho fantatr'izao tontolo izao
LAIN"S RAKOTOASIMBOLA
"DIAVOLANA"
--------