omeo azy aho (Mbola tsy fantatra)

Najanoko any,
Inoako mbola any,
'lay sariko fahiny
adaladala kely,
tantanina mamindra.
Fa ho tiany mantsy,
Ny tsikiko tomany,
'ty mba hany ankany
Toa niseranako tsy satry;
'zary tongom-bakivaky
hay adiadintsika, sendra volana baliaka
Tomefy fijaliana.
Ireny ny tontoloko
tsy hivalon-ko tantara
fa singan'aho iray
any ambadika any.
Izay no tiako ambara
Raha izaho rehetra,
Mba omeo azy.
--------