TORATORA-POKO (NY HARIAINA)

TORATORA-POKO


Ry Tompo be fitiavana ö!

Bitsiho mangina an-tsofiny
Ny anarako ho reny
Hanala izay ho rofiny,
Na kivy ilay malalako


Ampandalovy an´eritreriny
Lay endri-miramirako
Hitsabo izay ho feriny,
Na kivy ilay tsy foiko


Arafeto am-binaniny
Lay tsikiko malefaka
Hamafa izay tomaniny,
Na ory koa ilay tiako


K´izay mety ho fifaliako;
Raha mba sitrakao hiriako
Indrindra hiombonako amin´
ilay taratr´hazako


NY HARIAINA
--------