Minitra sarobidy (Oully)
(Nalaina tao amin'ny vetso.serasera.org)
Anaka,Minitra an'alikisa no hiainanao etoana
F'ireto no minitra, mba iriko tsy ho foana
Ilay minitra voalohany raha hitsaika ianao
No nahariana anao ho isan'izao hita izao
Fa tsy haiko hotantaraina raha injay fa reko
Ny minitra hilazana, ny fonao izay hitepo
Minitra sarobidy ireny
Minitra maro tafatambatra no hanjary andro
Io no hitsenana anao ka hahita masoandro
Hifandimby ny minitra, ka ianao hihalehibe
Hanomboka hitsiky, hibada, ary koa handeha
Minitra sarobidy ireny
Ao koa ireo minitra tsy tiana ho tsaroana
Rehefa tsy ho salama fa manaintaina foana
Minitra mafy angamba tsy ho vita an-taratasy
Ilay hisarahantsika hamonjenao lakilasy
Minitra sarobidy ireny
Dia minitra mamy koa hafaliana sesilany
Ho vita ny fianarana, afa-panadinana ihany
Rehefa tonga ilay minitra, hanekenao fitia
Iriko ho tsara indrindra, tsy toy ny ahy tety
Minitra sarobidy ireny
Mety ho fantatrao koa ny minitra toy izao
Hametsovetso silak'aina tsy mbola terakao
Koa raha zary nofy aza ireo minitra ireo
Dia tena sarobidy, satry tsy hifarana eo
Fa minitran'i Neny
Minitra sarobidy ireny
Andamioly
24 jolay 2007
--------
Lien:
Catégorie :
Fianakaviana
Commentaires
DRZK
(
26/07/2007 19:22)
Tsara kah ! ... Tongava soa ny vahiny na ho ela na ho haingana e ! hi hi hi . Mbola hisy aingam-panahy hafa indray ianao amin'izay dia izahay hankafy ny soratrao eto foana. Mazotoa e !
Oully
(
29/07/2007 15:07)
Misaotra D. Miara-mankafia eto isika izany.