Tsy ho rava (Randja)

Raha ny fitia no miaina, mijoro tsara
dia olon-droa nifanaiky fa hoe tia
tsy ho rava na hikoro fa voakarakara
hinoako fa haharitra ho doria

Na hisy fisedrana na hisy ireo olana
fa ny fitiavantsika tsy ho rava
efa tsara fototra, efa mafy fatorana
hantenaiko fa ho velona lalandava

Mandeha ny andro, mandeha koa ny fotoana
maro ny zava-niseho, tsy vitsy ny zava-nitranga
ny onjam-piainana sy ny ankaso manoloana
fa ny antsika tsy rava, vao maika mihamanja

Raha ny fitiavako izay mahery sy mafonja
nentiko nitia anao hatrizay ela izay
tsy ho ravan'izay teny iray monja
na ny vavam-bahoaka fa hitoetra mandrakizay
--------