Milalao afo (Pissoa)
(Nalaina tao amin'ny vetso.serasera.org)
Embona, tsiahyNofohaziny daholo ;
Ny sainy sahisahy
Mitety ny tontolo,
Mitady indray ilay afo
Asa ...
Fa toa tiany hanafosafo
Ny lasa.
Tsiky, tomany
Mivadika, mivadika !
Fo mananihany
Mitsiky sy mangarika ;
Mitanintanina afo !
Asa ...
F'injay manafosafo
Ny lasa.
Mamongotra, mamikitra
Ny tsiarony rehetra ;
Manditsoka, mandifotra
Ny fony velon-tsetra !
Ny fony mihorohoro,
Voarasa ...
Fa fitia mbola mandoro
Ny lasa.
--------
Lien:
Catégorie :
embona
Fans:
winner
Commentaires
tiarah
(
02/02/2011 10:22)
Mahafatifaty nefa mampitaitaina inty fo kely miomana ny ho voaratra indray e!
Mankasitraka pissoa a!
Mankasitraka pissoa a!
pissoa
(
04/02/2011 09:02)
Azafady, mampitaintaina hi hi hi.
hasiniony
(
05/02/2011 10:38)
...
Misy hevitra ratovina
Misy zavatra tovozina
Ary noho ianao Poeta
dia misy foana ny hetaheta!
Misy hevitra ratovina
Misy zavatra tovozina
Ary noho ianao Poeta
dia misy foana ny hetaheta!