FOANA (Rabarison Roberto Stephan)
(Nalaina tao amin'ny vetso.serasera.org)
Foana Foana tsisy intsony
Tsy aiko atao hoe ahona
Ilay fitiavana tao am-pony
Nataony veloma mandra-piaona
Foana tsy misy ahy intsony
Fa efa natolony olon-kafa
Efa olom-baovao no tompony
Izaho efa niova bandy iray hafa
Foana tsy misy azoko hantenaina
Ny alahelo toa tsy mety ho tony
Isan'andro toa lasalasa saina
Hoe niova angah ny rano nandrony
Foana teo koa angamba ny fisiko
Mety tsy ho tadidiny mandrakizay
Aleo ny lalam-baovao no hintsiko
Dia itady nofy hafa indray
Rabarison Roberto Stephan✍️
--------
Lien:
Fans:
DADAFARAtolotra - Roberto2001