Ianao lasa tiako (Rabarison Roberto Stephan)

Ianao lasa tiako

Tsy aiko hazavaina
Mandravozavo ao an-tsaina
Hoe ianao dia lasa tiako
Mamiko , tsy foiko, ary tsy ho ariko

Makarary ny any anaty
Raha ny te amboraka tsy taty
Hoe : ianao ka lasa tiako loatra
Ka fiainana mamy no hirina hatrany an-kotra

Mahagaga fa ianao dia lasa tiako
Niaina fiainana hafa nanjary faniriko
Dia manofy ny haniry hiaina sambatra matetika
Ka ho fiaina-mamy foana hatramin'ny masoandro milentika

Fa ianao dia lasa tena tiako
K'anefa olona sendra nandalo
Lasa mamiko tsy ho ariko
No sady tsy amidy no tsy atakalo

Rabarison Roberto Stephan ✍️
--------