TENA FITIA (Rabarison Roberto Stephan)

TENA FITIA

Raha toa aho ka hitanisa
Eny! Anambara teny vitsy
Tsy mba teny lava an-tapitrisa
Fa tiako ianao! ambarako mahitsy

Tsy sanatria akory hoe: fitia ratsy tefy
Ka mora simba, mora loha,.. sy mora lefy
Fa tena fitia mafy orina tsy horavan'iza
Ka ny anaranao foana no tononina ,
Eny.!. Maraina , atoandro , Hariva

Tena tiako ianao! Ambarako eto hatrany
Ka ho zaraiko aminao, ilay fitiavana mamy
Tsy mba ho sembanin-drahona sy ireo alahelo
Fa hiaina sambatra , sy fitiavana tsy hankaleo

Tsy mampanatena lanitra aho akory
Eny .!. na koa hoe paradisa,
Fa fitiavana no ho entina mampitony
Ka ho foana ireo disadisa

Tsy anao toky fitaka aho
Na koa hoe: ampandry andrisa
Mandrakizay tsy hisitaka aho
Fa anamafy izay rehetra vita

Ho eo foana aho ho tohana sy andry
Amalifaly anao , na mifoha enao na mandry
Dia hitondra fasambarana tsy ho tanisaina
Tsy hiala anilanao,,, raha tsy hoe tapitra ny aina

Eny! Averiko eto farany mba ho fantatrao
Fa mandrakizay tsy hifamela sy tsy hifandao
Ho koloina fatratra ho soa hatrany ilay fitia
Dia ho hitan'ny rehetra hoe: isika ilay tena mifankatia

Ilay tena mifankatia !
Eny..!. tena ho doria!¡!

Rabarison Roberto Stephan ✍️
--------