Angamba (Rado)
(Nalaina tao amin'ny vetso.serasera.org)
Angamba hifaliakony volana mitranga
an'habakaba-manga ...
Kanefa mbola tiako
ny masonao mijery
mibanjina ahy irery
manganohano ery.
Angamba hafa kely
ny tsiron-drano
an'ala
madio manga~
lahala...
Fa mamy toa tantely
ireo molotrao
manify,
mitsiky,menafify,
nanoroka ahy
mangina:
mandroatra
fifaliana!
Angamba koa ho fatratra
ny kalon'ny antsiva
manako takariva...
Fa mbola tonga lafatra
ny hiranao
ngononina
mihanta fisamonina
nitohoka ny sofiko,
ka zary nofinofiko!
Izao tontolo izao:
mirindra sy
voalanto
fatratra sy kanto..
Anefa,raha ianao
monja no tsy ao,
dia izao tontolo
izao
no tsoriko ry aina,
fa tany karankaina.
--------
Lien:
Catégorie :
Fitiavana
Fans:
mialiii - Ajnal - MAZ RAMANA - Vonjisoa-Andjanirina - elnilbleue - elysefitia - herilanto336 - sfdi ko - zinaka - famoha
Commentaires
AZTECA
(
03/09/2019 12:51)
ity koa dia mbola nohirain'i salomon
...
...
hery
(
03/09/2019 17:36)
Mbola tsy henoko indray izany fa andraso tadiavina
AZTECA
(
29/04/2022 12:51)
sao misy manana manontolo ilay tononkalon -dRado misy hoe
"izay very vakana,mbola hitady
izay very sampy, mbola hanolo,
ny zanaka kosa tsy tahaka an'izany
ny toera-nialany tsy mety voasolo"
Mankasitraka sahady ho an'izay mamaly
"izay very vakana,mbola hitady
izay very sampy, mbola hanolo,
ny zanaka kosa tsy tahaka an'izany
ny toera-nialany tsy mety voasolo"
Mankasitraka sahady ho an'izay mamaly
