FIAINANA TILY (Rado)

Matoa aho mitolona hanompo ny taniko,
Namindra mahitsy tsy nety nivily.
Tsy hoe fitafiana sendra nindramiko,
Fa vavolombelon'ny fiainana Tily.

Matoa aho mitaiza ireo ankohonako,
Ho tia fihavanana sy fahafahana.
Dia noho ilay fiainana Tily ivelomako
Efa namako sy nahazo vahana.

Matoa aho mitsiky tsy resin'ny sarotra,
Na inona sakana mitranga.
Dia ilay fisainana tia karokaroka,
Hamorona foana hameno ny banga.

Matoa aho voababon'ireo zava-kanto
Indrindra fa ireo vakodrazan'ny gasy
Poëzy sy hatsikana ary hira voalanto
Dia noho ilay fiainana Tia afon-dasy
--------