RAVIN-KAZO MAINA (Rado)
(Nalaina tao amin'ny vetso.serasera.org)
RAVIN-KAZO MAINATakelaka efa maina mivolombolom-pasika,
notsofin'ny tadio ka niparitadritaka.
Ravin'alahelo sarotin-kasikasika,
malia, fimora may ka mampangitakitaka.
Misoritsoritra eny ririnim-pahagola,
ny dian-dranon-kazo fahiny lohantaona,
ny mandom-pahavaratra mamenofeno angola,
ny vovo-pararano tandindondindon-tsaona.
Ity tonon-kira ity, dia taolambalon-dravina
tsy aminy intsony ny andon'aina lovany.
Tsy hanitra ho fohina, tsy endrika hotiavina,
nefa mitahiry ny lasa nolalovany.
RADO
--------
Lien:
Catégorie :
fiainana
Fans:
Vonjisoa-Andjanirina - ZO-NILAINA - elnilbleue - Vonjy Raks - Masoandroko - famoha - einna - joelhafatra - lcrakotoarivelo - rado_rama - Andriela - kapiteny - prosper15 - jacky19 - andry 1000
Commentaires
hjravs
(
28/04/2015 05:33)
Hafa mihintsy ny ngeza fa "ravin-kazo maina" dia ahafahany
maneho fonjan-kevitra goavana, mba dinihonareo ange ny voambolana e:
"mivolombolom-pasika", "sarotin-kasikasika", "fimora may", "vovo-pararano, taolambalon-dravina
..., mba hodinidinihintsika namana no nampidirako an'ity tato, f'izaho aloha dia mipao-tsatroka e!
maneho fonjan-kevitra goavana, mba dinihonareo ange ny voambolana e:
"mivolombolom-pasika", "sarotin-kasikasika", "fimora may", "vovo-pararano, taolambalon-dravina
..., mba hodinidinihintsika namana no nampidirako an'ity tato, f'izaho aloha dia mipao-tsatroka e!
andry 1000
(
28/04/2015 05:43)
Tsy hanitra ho fohina, tsy endrika hotiavina,
nefa mitahiry ny lasa nolalovany.
henjana le aingampanahy eto a! tafita ny hafatra fa ilay ravina taloha mba tsara ery nefa refa nandalovany ririnina sy ny vanintaona nifandimby dia maina ihany e, ohatra ny zanak'olombelona mandalo ny fahatanorana dia tsy maintsy ho antitra sy maty ary hody vovoka.... henjana le henjana
nefa mitahiry ny lasa nolalovany.
henjana le aingampanahy eto a! tafita ny hafatra fa ilay ravina taloha mba tsara ery nefa refa nandalovany ririnina sy ny vanintaona nifandimby dia maina ihany e, ohatra ny zanak'olombelona mandalo ny fahatanorana dia tsy maintsy ho antitra sy maty ary hody vovoka.... henjana le henjana
ranarisondaniel42
(
02/06/2017 07:50)
ravin'alahelo, sarotinkasikasika.
hevitr'izany:tsiaro tsy satry rapirotsa'tomany
hevitr'izany:tsiaro tsy satry rapirotsa'tomany
AZTECA
(
29/04/2022 12:53)
sao misy manana manontolo ilay tononkalon -dRado misy hoe
"izay very vakana,mbola hitady
izay very sampy, mbola hanolo,
ny zanaka kosa tsy tahaka an'izany
ny toera-nialany tsy mety voasolo"
Mankasitraka sahady ho an'izay mamaly
"izay very vakana,mbola hitady
izay very sampy, mbola hanolo,
ny zanaka kosa tsy tahaka an'izany
ny toera-nialany tsy mety voasolo"
Mankasitraka sahady ho an'izay mamaly
