SAFIDY TENA ADALA (Rakotomalalason Jean Olivier (R.JO))
Pas encore lu
(Nalaina tao amin'ny vetso.serasera.org)
SAFIDY TENA ADALA “Raha mba ninoanao, sy mba narahanao ny anatra nataoko
Dia angamba tsy ho nisy ny tsotsorimamba nisarahantsika
Raha mba niainanao ny fiainana niainako, ny fomba fanaoko
Lay tokatranontsika angamba mety tsy hangatsiaka”
Ny anao ny anao ihany
Lay fo tsy mahay mandefitra
Nefa aiza ‘zao? Atody toa lamokany
Vokany, maimbo sy malany
Izany eo ihany
F’ianao tsy mety hiova
Ka dia mahità ny mamy
Mahalasana, mahaleova
Ny reninao mpambosy
Ny rainao tsy mandefitra
No zary lakolosy
Nanako an-tany efitra
Nanambara tamiko fa tsara raha isika
Mifampitsoka rano, sy misara-dalana
Ka ny tomaninao miharo kiakiaka
No lasa kopa-tanana, sy solom-boadalana
Mandrakizay akia malala
Fa ny antsika tsy anjara
Safidy tena adala
Ka tsy hifandany zara
Malalason 29/05/2007
--------
Lien:
Catégorie :
Fisarahana
Fans:
Malalason
Commentaires
![](https://avatar.serasera.org/b1944527fbc2b995eae0701c037c4095.jpg)
bichette
(
29/05/2007 15:04)
tononkalo sa zava-misy ???
Ajouter un commentaire
Veuillez vous connecterA propos
Auteur : Rakotomalalason Jean Olivier (R.JO)Inséré par : Malalason
Date : 29/05/2007 12:56