Mahatsiaro va ianao ? (Randja Zanamihoatra)

Nantsain'i ikalamako
(Nalaina tao amin'ny vetso.serasera.org)
[Nihevitra ny andro fahiny aho.
Sal. 77.5]


Eny, paohin’ny fotoana ny andro mamy sy baliaka ;
Ny alim-pito sy mangina, ary koa ny tenantsika
Nefa tsy ho tapitra eto ny maraina vaovao !
Eo am-pitsinjovana azy, " mahatsiaro va ianao" ?

Iry ny toerana fahiny !... eny, ilay niriariavana !
Ao ny fara vetso, angamba, no hierina fitiavana !
Iroa ny làlana fombana novakin’ilay nandao…
Ary raha miherika eny, « mahatsiaro va ianao ?

Oh ! Salamo anefa sisa ibitsihako ny fo
Fa tsy very ny amintsika na ho levona tokoa !
Voatahiriko ato izany, ao anaty miafina ao,
Ary raha fohaziko eto, "mahatsiaro ve ianao" ?
--------
Rohy:
Sokajy : Alahelo - Fitiavana
2092 2
Hametraka hevitra
Midira aloha
Momba ny tononkalo
Mpanoratra : Randja Zanamihoatra
Nampiditra : ikalamako
Daty : 15/06/2020 20:30
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.01