14-02-2006 (raozigasy)
Pas encore lu
(Nalaina tao amin'ny vetso.serasera.org)
14-02-2006Inona moa ny andro anio
No voatokana an-diary
Ary aseho miharihary
Amin’ny loko tena miavaka
Asiana sary fo miravaka ?
Inona moa ny andro anio
No mandeha tsiroaroa
Mifampiankinankin-doha
Mitositosy sy midola
Anaty tamby sy angola ?
Inona moa ny andro anio
No anadinoina disadisa
No amafana kisakisa
No andeferam-betivety
Sady hiarahana mifety ?
Inona ary moa fa tsy hoe
Andron’ny mpifankatia
Mitanjona ny ho doria
Andron’ireo izay Tia sy Tiana
Miara-miombom-paniriana
Ka maninona ary moa raha hoe :
Hatao toy ny androany hatrany
Ny andro sisa am-parany any
Ho tompon-daka ny Fitia
Amin’ny androntsika ety !!!!
--------
Lien:
Catégorie :
Tsingerin-taona - Aingam-panahy
Fans:
fiaritiana
Commentaires
fiaritiana
(
14/02/2006 20:21)
tena tsara be ry Raozy a! tiako be
