Aoka hoy aho (raozigasy)

Aoka hoy aho ilay filafila
Fa ndeha omeo ny miaramila
Ny fitondran ity tanàna
Dia mialà eo fa sagnana

Aoka hoy aho ilay loham-boto
Fa ny fonay efa mivonto
Raha mbola ialahy no eo
Dia hipoaka ry zareo

Aoka hoy aho ilay mokon-doha
Sao tsy tanty ilay fifoha
Sy fitroatran’ny mangina
Firongatan’ny voakiana

Aoka hoy aho, ilay be bontolo
Fa tofoka ange ny tontolo
Sao dia ialahy sy khadafi
No hitovy ry leiry

Aoka hoy aho, ilay hambohambo
Sao ialahy voahazalambo
Ka tsy hipetraka hilamina
Fa tonga ialahy hoy aho dia saddam

Aoka hoy aho ilay sekoseko
Sao ialahy ka dia omeko
Ilay hafa-dratsy sy kafara
Ka hihomehezan’ny tantara
--------