ATAO HOE ADALA (raozigasy)
Pas encore lu
(Nalaina tao amin'ny vetso.serasera.org)
ALEOKO ATAO ADALAAdala aho raha manoratra
Dokadoka ho anao
Adala aho raha mitoraka
Voninkazo vao
Adala aho raha manaiky
Ny angola sy ny tsiky
Adala aho raha taraiky
Tamin’ny tosy izay natsipy
Adala aho raha miroboka
Amin’ny tantaranao
Adala aho nampidoboka
Angamba ny fonao
Adala aho ary ho adala
Raha toa ka mihenahena
Ka tsy nampahalala
Hoe aza manantena
Ka tsotra no lazaiko
Izay vokany tsy ho haiko
Tsy te ho adala aho
K’aleo aloha hazava
Sao mifamahofaho
Izay zavatra voalaza
Fa tsy hisy doka azo
Hoe omena anao manokana
Na hoe hisy voninkazo
Omeko anao mitokana
Tsy hisy izay tantara
Iarahana miroboka
Na teny izay ambara
Ka ny fonao hidoboka
F’izao no tena marina
Aoka hazava tsara
Ny resaka aza itarina
Mpinamana no tsara
K’aleoko atao adala
Toy izay ataonao “malala”
20 – 01 – 2006
--------
Lien:
Catégorie :
Namana - Eritreritra mandalo
Commentaires
fiaritiana
(
24/01/2006 18:02)
zany an!tsy malal ve no tsara!
pissoa
(
09/02/2006 09:35)
Fa ahoana kosa e! Hihihi
Tsara ery izany tononkalo izany
Tsara ery izany tononkalo izany
proost
(
10/02/2006 06:54)
MANAIKY
tanteraka ny fahaizanao aho proost mankalaza
tanteraka ny fahaizanao aho proost mankalaza
raozigasy
(
10/02/2006 08:12)
tsy izaho no mahay ry Proost a !
Ny talenta nomen'Andriamanitra ahy no somary niavaka kely
Ny talenta nomen'Andriamanitra ahy no somary niavaka kely
Fantsyfantsy
(
12/03/2007 14:02)
SADIK MATY E§ AZA MANODY FA ADALA NY TIA
katiaa
(
14/03/2007 23:09)
ok ary ee
fahamarinana
(
27/05/2009 08:15)
Tsara ilay raika io an ! Misaotra fa tena ananano tokoa ilay talenta miavaka kely ! Samy manana ny anjara-talentany tokoa e!
