AZA AFENINA (raozigasy)

Ho setrin'ny tononkalon'i Nikopol hoe Tsy Nafeniko Anao

Aza afenina azy
Na ny vazivazy
Ny rehetra ahiahy
Aza misy afenina

Aza afeninao
Ny fery anatinao
Raha adino re tsy nahy
Lazao fa sao dia ho nenina

Aza misy afenina
Fa soraty am-penina
Ka hikamban-diary
Tsiambaratelonareo

Aza afenin’akory
Ary aza avel’hatory
Ireo zava-maharary
Hifampizaranareo

Amin’izay ianao sy izy
Ho zanaka sy ankizy
Hiara-milalao
Isan’andro izao
--------