Drafi-piainanay (raozigasy)

Mandinika anao, anaty torimaso
Mibanjina anao, lavitry ny ankaso
Dia variana aho, ka lasa koa ny saiko

Mitazana anao, ilay tsy manan-tsiny
Mijerijery anao, ilay mikotaba iny
Dia lasam-borona aho, r’ilay sombiniaiko

Fa ny hany mba lahasa sy ezaka ataonao
Matory, misakafo, mifaly, milalao
Indraindray mba tomany; indraindray mba mikiaka
Tsy misy afa-tsy izay, raha fehezina sy adika

Fa ny ambiny an’I dada, ny ambiny an’I neny
Adidy raisinay, andraiki-dray sy reny
Koa matokia ry zanako, hiezaka izahay
Fa ny hahatafita anao, no drafi-piainanay
--------