Fitia tandrimo (raozigasy)

Ilay endrikao sariaka
Ilay tsiky manjopiaka
Ireo masonao baliaka
Ireo teny mamy apariaka

Ireo fihinao manery
Ireo sefonao mahery
Ireo lefaka fijery
Rehefa isika irery

Ireo langonao malefaka
Ireo halatr’oroka mitefaka
Mahatonga fo hitresaka
An-tsefatsefan-dresaka

Ireo kiti-diso lalana
Ireo safo tsy hita farana
Ireo sangy tsy hay anarana
Ireo fy manarangarana

Ireo no “aza manadino”
Fanainga tsy mampino,
Ainga mampirimo
Ilay fitia ho tandrimo
--------