Hay ve (raozigasy)

Hay ve mety tankina ity fanahy ity,
rehefa nolalovan'ny tadion'ny fitia
hasafononohana tsy hita voambolana
no manakana azy, mibahana mitohana

Hay ve ka mety very, ny ambiroa indraindray
rehefa salovanin'ny fo mangotraka mahamay
ka very anaty habaky, ny nofy itambarana
ilay tsingevan-teny, be resaka an-daharana

Hay ve ka mety maina, ny rotsaky ny kanto
rehefa tojo olon-droa, mahay mifandranto
ka adinony daholo, ny tontolon'embona
rehefa injay fitia, no maniry sy mitrebona

….

Hay ve ka mety adino, ny tontolo fanoratana
rehefa ny hotraky ny fo, no sendra firongatana
adino vetivety, adino maka bahana
mitondra ainga vao, fitia nahazo vahana

Raozigasy
--------