HERINANDRO IZAY NO LASA (raozigasy)

Tohin'ny ATY TANA

Efa herinandro, izay leitsy no lasa
Ilay mitady vady aty nivadika asa
Ny « retour d’invest…. » izao mbola tsy hay
Ny vola mivoaka nefa mahamay

Tantaraiko an’ialahy, tsotsotra ary aloha
Ireo sipa efa nampiasaiko ati-doha
Sahirana ihany leitsy ny « coco »
Ny wawa no betsaka fa tsy misy « dodo »

Ilay sipa afak’omaly mba naha « tifatifa »
Ny bika milay, malama tsara ny « tif »
Izaho vao nahita dia « grave » ni-« kiff »
Ilay « parler France » tonga dia « infinitif »

Ilay omaly indray, nanontany asa
Raha vao mi-« livre » hono tsy lasa
Ny « retraite »n’ireny hono ange mampihomehy
Fa ny atsasa-karama tsy « declaré »

Ilay androany aza efa nahazo sopapa
« Princesse » hono izy fa manao ahoana ny lapa
Ny ahy hono « appart » sa « pavillon »
Fa izy tsy mila raha « colocation »

Ilay anankiray tonga dia niteny
Izy hono mila manampy an’i neny
Hanaraka ahy hono izy tsy misy ny olana
Fa izy mila mandefa vola isam-bolana

Ilay iray hafa aza moa tonga dia niraparapa
Rahoviana ny « solde »tsika ry Papa
« Val d’Europe » sa « Grands Magasins »
Any an-dafy ve dia tsy hikata ny « tsain »

Ilay tao amin’ny « Colbert » saika nety ny pasy
Izy « nob-noble » sady « classe »
Efa tena « poins » fa ny « bleme »
Tsy maintsy entiny hono ny zanany enina

Ilay anikeheo aza tonga dia « terre à terre »
Vadio hono izy fa aza mandany lera
Izy efa ela no te ho any an-dafy
Ilay « ambassade » foana no tena migafy

Ssssss

Toa lasa resaka « annonce » leitsy izy ity
« Calcul » fotsiny fa tsy misy fitia
Sa ve izaho no be vatravatra
Manao jery ivelany, tsy mahita ny an-tratra ???

Izay indray aloha fa avelako ialahy
Izaho hamonjy fotoana any amin’ny « Paprika »
Miantso an’ialahy aho amin’ny « lundi »
Fa aleo aho mba hanao « week end joli »

(hitohy)

© Raozigasy
--------