IANAO NO TIAKO . . . . (raozigasy)

IANAO NO TIAKO . . .

Ianao no tiako nizaràna
izay fahitako ilay tanàna
ireo zavatra izay nigagàna
ireo rehetra nampihàna

Ianao no tiako niara-nahita
ireo zava-maro tsy fahita
tsy mijery havia raha miampita
ka mila mailo vao tafita

Ianao no tiako niaraha-nizaha
ireo karazana vazaha
mifanoroka tsy miahy
nefa samy lehilahy

Ianao no tiako nandona ahy
tamin'ny jeriko zay sahisahy
nahita akanjo fohin-dravazaha
tsy mba menatra izy lahy

Ianao no tiako niara-nitosy
ilay tao anaty posiposy
na tanaty tube nifanosy
na tamin'ny etagen'ilay bus

Ianao no tiako hoe teo anilako
tamin'ny fijery vilako
an'ireto ankizy pilapilaka
miakanjo mainty jilajilaka

Kanefa moa tsy teo ianao
k'izaho irery no nanao
izay mba azoko natao
satriko hiarahana aminao

Fa mbola ho avy ny fotoana
hoe ianao ho eo foana
ka izaho tsy ho moana
amin'ny seho izay manoloana
--------