Kisendrasendra … tahak’izay (raozigasy)

Kisendrasendra mamy
Mety hoe fahatany
Ilay seranao nandalo
Omaly tamin’ny valo

Kisendrasendra anefa
Ilay tsikinao niantefa
Nanojo izany masoko
Ka maina ilay andrasoko

Kisendrasendra koa
Ilay isika olon-droa
Tsy mifankahalala
Nefa tsy te hidify hiala

Kisendrasendra iny
Nefa nitondra tsiny
Sy nenina tafara
Hoe tahak’izay tantara
--------