MIVAVAHA (raozigasy)

MIVAVAHA

Maro ny korontana
Manaitra sy mampiontana
Ny fo amam-panahy,
Sady mampanahy

Maro ny hotakotaka
Horaka sy rotaka
Etsy sy eroa
Mankarary an-doha

Maro ny kotaba
Arahin-tabataba
Tsy mandry re ny tany
An-tanindrazako any

Maro ny herisetra
Tsy voafehy sy tsy voafetra
Mampitaintaina
Sy mampiferitr’aina

Izany rehetra izany
No mitranga any
Ka mampiasa ny saina
Ny Vavakao ilaina
--------