Molotro, molotrao (raozigasy)
(Nalaina tao amin'ny vetso.serasera.org)
Molotro, molotrao,Nifanena ka injao,
Nampitsangana ny voloko
Sy ny horitsin’ny tontoloko
Molotro, molotrao,
Nifanoroka an-dalao
Ka nanadinoiko ny fisiana
Nanosatosa-paniriana
Molotro,molotrao
Takalo, atero ka alao,
Molotra, natambatambatra,
Mitondra fy kisambatsambatra
Molotro, molotrao,
Nifanoho-bava, milalao
Nifampizara kindrindriana
Tsirontsirom-pifaliana
Molotro, molotrao,
Tsy matahotra ilay “sao”
Santatsantatra filàna
Mitondratondra hafanana
Molotro,molotrao
Oroka tsy mankalao
Fa tontolo mihavao
Isan’andro lava izao
--------
Lien:
Catégorie :
Aingam-panahy
Fans:
scotlandyard
Commentaires
kiriah
(
15/05/2011 18:46)
Tsy sanatria akory hoe manakina fa mpanaraka ny tonokalonao fona zah hatramin izay , ary tsy azo lavina fa tena manan-talenta tokoa ianao , saingy tiko kokoa ireo tonokalo teo aloha ,...
