Zozoro ( 10/08/2010 07:34)

Rah'toa ka ho foana ny andro lasa
Moa ve ny hira hangina am'izay?
Zavatra maivana angamba ny asa?
Asa! fa mamy izy aloha hatrizay
Nefa rah'toa ka mikiry ianao
Aza mihevitra intsony ny foko
Miheritrereta rah'toa ka handao
Any amin'ny toeran'ny HIRA miloko.

zavotany09 ( 11/08/2010 15:41)

TSY HO RESY

Fa fo ngolingoly, trotram-pitiavana
no tsy maintsy hikalo, hiezaka hanadino
fa ireo lasana rehetra, mety ve ho Avana
ho maro lokom-pifaliana, asa...tsy mampino

'reo teny mamy rehetra, izay mba nifanolorana
nampisinda ny taraina, dia ho ako ve no sisa
tsy te-hino aho kanefa, satriko eny vorona
hitady toera-kafa, izay mba mety ho paradisa

fa hafaitra ny ampitso, hitadiavam-panafody
saingy làlana hizorana, ho an'izay nitia
fa na marary aza ny fo, hangina tsy hiantso tody
ho ngolingoly izy anio, ny ho faty sanatria