Noely hono, (raozigasy)
(Nalaina tao amin'ny vetso.serasera.org)
Noely hono fifaliana, nefa izaho lavitr’olon-tianaNoely hono ka fitiavana, nefa izaho aty lavi-kavana
Noely hono hoe ka fety, nefa ny fiainako tsy mety
Noely hono ka noely, ny ahy tsy miova velively
Dia ahoana ary ity noeliko, aiza hono izay tanteliko ?
Ny olona etsy sy eroa, miaina noely avokoa
izao tontolo izao mifaly, nefa ny ao anatiko mijaly
izao tontolo izao korana, nefa ny foko mangotàna
dia ahoana ity noeliko , aiza I dadabenoeliko ?
raha mba teto izy anio, nitondra rivotra hanadio
ireo setro-piainana malotoko, ireo disadisa izay natokoko
ireo kilalao hampitsiky, k’izaho anio tsy hitokiky
dia ahoana ity noeliko, toa mangidy ka tsy teliko
fa noely mamanala, mila hampahalasa adala
noely kivy , noelin-dresy, noho ireo sedra nifanesy
noely anarana tononina, noely ho an’ny mpiara-monina
noely fotsiny an-diary, noelin’ireo tsy mba marary
noelin’ireo milamin-tsaina, sy ireo lavitra taraina
noelin’ireo lavitr’olana, ka tsy mihafa milanonana
noely tsy natao ho ahy, noely hono, asa lahy
--------
Lien:
Catégorie :
Aingam-panahy
Fans:
Lurissadr - MandresyLova
Commentaires
maeva74
(
28/12/2009 15:29)
Izany ve ilay noelinao sa re aingam-panahy fotsiny e!
ratoto
(
29/12/2009 23:58)
Noely tsy honohono
Ny Noely anie ka fifaliana, hanadinoina ny hakivina!
Ny Noely anie ka fitiavana, izay zaraina amin'ny namana!
Ny Noely anie ka tena fety, hanatsaraina ireo tsy mety!
Ny Noely anie ka noely, fa tsy rediredy velively!
Ny noelinao anie, ka ao anatin'ny fonao
Ny tantelinao anie, ka tsy ankoditra na amolotra
Miaraha mifaly amin'ireo mifaly
Miraisa lanonana amin'ny ankohonana!
Dia izay ilay noely, tsy ilaina dadabe noely!
Tsy ho avy mihitsy izy io, fa toy ny rivotra, tadio!
Atsanga tsy aman'orana, angano, arira noforonina!
Tsy kilalao ihany akory no afaka hampitsiky,ireto nify!
Dia izay ilay noely, na mangidy aza telina!
Satria fahatsiarovana an'ilay Mpamonjy tonga nofo
Nanaisotra ny jaly,namaha ireo fangejana
Tsy ho noely fe noely fa ho noelimpandresena!
Tsy ho noely fotsiny an-diary, fa noely tsy manavaka
Ka na salama na marary de aoka isika mba hivavaka
Iandrandra ilay Tsitoha,loharanom-pahasambarana
Io no aoka ho noelinao, ilay noely tena noely!
Taratriniaina
Ny Noely anie ka fifaliana, hanadinoina ny hakivina!
Ny Noely anie ka fitiavana, izay zaraina amin'ny namana!
Ny Noely anie ka tena fety, hanatsaraina ireo tsy mety!
Ny Noely anie ka noely, fa tsy rediredy velively!
Ny noelinao anie, ka ao anatin'ny fonao
Ny tantelinao anie, ka tsy ankoditra na amolotra
Miaraha mifaly amin'ireo mifaly
Miraisa lanonana amin'ny ankohonana!
Dia izay ilay noely, tsy ilaina dadabe noely!
Tsy ho avy mihitsy izy io, fa toy ny rivotra, tadio!
Atsanga tsy aman'orana, angano, arira noforonina!
Tsy kilalao ihany akory no afaka hampitsiky,ireto nify!
Dia izay ilay noely, na mangidy aza telina!
Satria fahatsiarovana an'ilay Mpamonjy tonga nofo
Nanaisotra ny jaly,namaha ireo fangejana
Tsy ho noely fe noely fa ho noelimpandresena!
Tsy ho noely fotsiny an-diary, fa noely tsy manavaka
Ka na salama na marary de aoka isika mba hivavaka
Iandrandra ilay Tsitoha,loharanom-pahasambarana
Io no aoka ho noelinao, ilay noely tena noely!
Taratriniaina
