Notiaviko (raozigasy)
Pas encore lu
(Nalaina tao amin'ny vetso.serasera.org)
NotiavikoNotiaviko ianao, tao anaty foko tao,
Tsy nolazaiko olon-kafa
Nantsoiko mangina koa, nefa angamba tsy henonao
Ilay feoko nanatsafa
Novetsoiko ho antsika roa, ireo hira izay nindramiko
Tiako iraisana aminao
Nampanongako ny fanahy, ho lasa tononkalo mamiko
Ilay hotra-poko tia anao
Koa raha hitanao ity, na voavakinao tsinahy,
Dia ho fantatrao ny amiko
Dia hiteny koa ianao, tiako ilay aingam-panahy
Ireo rarin-teny mamiko
Raha voataratrao an-teny, izany foko tia anao
Dia efa mibitaka ny aiko
Fa menatra ilay fahasahiako, hivolana hoe “tiako ianao”
Ka tsy afa- nampitaiko
--------
Lien:
Catégorie :
Sitraka sy setriny
Fans:
Aynah
Commentaires
tiarah
(
16/08/2010 12:21)
Iza no vehivavy tsy ho babo amin izato haingam panahy izato, izaho aloha dia resy sady mankafy e!
raozigasy
(
16/08/2010 21:33)
aoka marina e
Aynah
(
19/01/2011 22:33)
Mankasitraka Raozy a! Babo a, tena resy...
