Omeo « j'aime » (raozigasy)

Ny laoka may, ny vary mohaka
vilia, vilany tsy misasa
ny ambin-kanina mihohoka
FACEBOOK no lahasa

Ny efitrano tsy mivoha,
ny fandriana tsy milamina
tsy misy raha iasan'ny loha
fa am-pinday mihaminkamina

Ny torimaso ts'isy vanona
fa natakalo kilalao
ny FACEBOOK tsy ajanona
fa mamibe tsy maintsy atao

Ny asa rehetra mahazo miandry
ny birao , ny taratasy
adino ny mitsena zandry
fa FACEBOOK no latasy

Ny tafy an-kodi-tsy misolo
ny sarita-bolo tsy voabango
anefa dia mamono lolo
am-pACEBOOK feno lango

Raha toa ianao tahak'io
voasokajy sy voalaza
dia iangaviako ianao anio
eo mba omeo « j'aime » aza

Raozigasy
--------