Razoky sy Ratsin (raozigasy)

Io ilay Razoky, miteny mi”style”,
Feno eboebo, tsy mety lany “pile”
Ny fizahozahoana bobaka, ny « je suis » mipoapoaka ,
Rain’ny hambo avokoa, izay resaka avoaka

Dia io koa Ratsin, revo sy mihaino ,
Mitsiky mamporisika, teneno dia teneno
Maka am-bisavisa, ho nofy an-tendron-kazo ,
Ireto balaoasy, rahampitso dia halazo

Dia nifanojo angaha, ny tia sy ny manina ,
Ka indreny nifanjohy, mikisaka milamina

Ratsin indray niresaka, somary mba nidingina,
Ny fihetsika amin’izany, mody hoe mitsingina
Dia revo koa Razoky, faly hoe hahazaka,
Ka tsy nihevitra hahalala, na koa namakafaka

Ny aingitra amin’io, mahery dia mahery,
Miainga ambony ambany, ny traka sy ny jery
Fa Razoky koa natoky, izato vidin’ny valerany,
Satria naharesy lahatra ilay poerapoerany

Dia nifanome fotoana, nifanome finday,
Ny fihaonana manaraka, asabotsy indray

Ratsin avy eo nidify, nakopany ny volony,
Nasiany mena fify indray izato molony
Najadony ny diany, Najejony ny andilany,
Nitodi-doha kely, ny masony nopi-any

Razoky amin’io , manao tsara jery,
Manaraka an-dola, ilay bika nandeha irery
Somary nisafo sirana, dia nanao adisanina,
Tsy maintsy tafa iny, raha milay ny planina

Dia avy eo samy nody, tany an-tranony avy,
Hanainga nofinofy, sy sentimaka matavy

Ratsin tao an-trano, nitantara nitantara,
Ilay bandy aloha akia, toa mbo tsaratsara
Ny katany mba henjana, ny fiarany masiaka,
Raha toa ka poins iny, tonga dia tafita

Razoky koa tan-trano, nitohy ny dedadedaka,
Sabotsy leitsy iny, tonga dia voapetaka
Izy somary jila, sur be fa poins,
Sady tonga dia reveko, ilay izy mincemince

Ratsin amin’io, anoloan’ny fitaratra,
Misafo izato ranjo, mandin-tsara aratra

Dia miresaka miresaka, amin’ity namana,
Tena mety akia, ilay akanjo hifampindramana
Raha tsy izany tsy mba tafa, sy manaitaitra,
Ampiko le style, mody miangola vaitra

Rehefa mihaona izahay, dia angatahiko cadeau ,
Charmeko kely, dia omeko tolaka dodo
Fa tonga hitako eto, iny dia hipotsaka,
Ny saosy any am-paosiny, tonga dia mirotsaka

Razoky amin’io, nanokatra labiera,
“izaho leitsy hoa milay, fa dony aloha ny vera”

Misaotra leisy aloha, tamin’ilay vam,
Fa raha tsy nisy an’iny, tsy nety ilay planina
Le « blouson cuir », aleo aloha tsy averiko,
Rehefa vita ny mission, izay leitsy vao ateriko

Dia mbo ampindramo vola, aloha hampirevena,
Omeko ny an’ialahy, raha vo mahalafo taovan-kena
Ny sipa tahak’ireny , efa hain’ialahy,
Fa omena drala kely, dia tonga dia « ca va »

…

Tonga ny asabotsy, indreo fa nihaona,
“Manao ahoana akia, miakara eto anoloana “

Ity misy “cadeau” kely, mba vokatry ny fo ,
Fa mba omeo mamikely, sy mba omeo bisou
Dia lasa izany izao, hampiaraka milamina ,
Andao hanararaotra fa ny tany indramina

Dia lasa samy poinsa, nandeha naka sisiny ,
Tonga dia vao niainga dia hita ny fikisiny
Tsy nisy kozy bobaka, fa tonga dia nisosa,
Revy samy sahy, tsy nisy iray kanosa

….

Ny tohiny tsy haiko, izaho tsinona tsy tany,
Fa samia isika, hoe mba maminany
Hateza ve ny tohiny, sa endrika ivelany ?
Sa fiainana mandalo, adinoina ny fiserany ?
--------