Samia mahita (raozigasy)

Dia eo ianareo samia mahita
Hoe hijanona eto sa ho any am-pita
Ny tanjona mantsy dia ny hoe tafita
Ka samia mahasaky sy mahavita

Dia eo ianareo ka jereo tsara
Izay lala-masaka mety ho anjara
Sao rehefa tonga ny ao afara
Ka dia hanenina aman-kafara

Samia mandinika izay ampitsony
Samia mikajy izay afitsony
Diniho hatramin’ny pitsopitsony
Sao diso paika ka dia ahitsony

Samia ary maka izay sahaza
Fa izahay nampiseho sy mba nilaza
Hijanona eto ve sa hisinda ?
Eto Gasikara sa ho any Finda ?
--------