Te hanoratra (raozigasy)

Te hanoratra aho androany, fa tsy niainga ny fanahy
Te handefa teny ho anao, te hampita koa tsiahy

Te hanoratra anio, te hanoratsora-potsiny
Te hitantara arira, hameno tory ny alim-potsiny

Te hanoratra aho androany, te hanoratsora-teny
Te handrafitra amboara,toy ilay famakintsika ireny

Te hanoratra androany, te hampiady rima kely
Te hanoratsora-poana, tsy misy tanjom-belively

Te hanoratra androany, ka notendreko irony tondro
Te hanakambana ho teny, ireo tsindrin’ny fanondro

Te hanoratra aho androany, ka nofenoiko rimarima
Ity pejy fotsy ity, amin’izay ianao mba liana
--------