Tiako akia … (raozigasy)

Tiako akia ny alotsika ao anatin'ny somamby
fa manaitaitra zava-maro, mampiita-tambitamby
Tiako akia ny jerinao, feno lefaka fitia,
fa hahatsinjovako sahady, ilay feoko miantso avia

Tiako akia ilay tsapatsapa, ato anaty maizim-bolana,
fa mampandevy ny ao anaty, ka ny lohaliko mangorana
Tiako akia ilay safosafo, tsy fanta-piainga sy fiafara
fa mampitady tohiny hafa, mamimamy, tsaratsara

Tiako akia ilay toka-monina, sy halatralatra fotoana
fa mamelona habibiana, ho kaikitry ny mamba noana
Tiako akia ilay isika roa, mitovy fy anaty saina
fa efa tazako sahady, ilay tsy misy miala maina

Raozigasy
--------