TONONKALO (raozigasy)
Pas encore lu
(Nalaina tao amin'ny vetso.serasera.org)
Ny tononkalo tiako indrindraDia tsy ireo izay nosoratako
Fa ireo izay nanandratako
Ny anaranao indrindra indrindra
Ny tononkalo tsianjery
Izay tsy afaka ao am-bavako
Sy mampitsiky koa ny tavako
Dia ireo antsika roa irery
Ny tononkalo izay vetsoiko
Ao anatiko ao mangina
Rehefa takariva sina
Dia ilay antsonao tsy foiko
Ny tononkalo tsy nambarako
Fa nofeheziko ho ahy
Ho amboaran’ny tsiahy
Dia taminao no nitambarako
Ny tonokalon’ny fiainako
Ireo faniriana sy hetaheta
Nanosehako talenta
Dia ho anao ry foto-piainako
--------
Lien:
Catégorie :
Eritreritra mandalo - Aingam-panahy
Fans:
raozigasy
Commentaires
fiaritiana
(
21/03/2006 08:03)
hummm! tena mahafinaritra tokoa! mahereza e!
pissoa
(
21/03/2006 09:01)
Chapeau amin'ny aingam-panahy!
raozigasy
(
28/04/2006 21:01)
Misaotra amin'ilay satroka Pissoa a ! amin'izay tokoa ange tsy tratran'ny tanin'andro ny loha dia afaka miasa tsara e !
