VAVAKA (raozigasy)

VAVAKA

Isaoranay Ianao ry Tompo,
Fa namela anay Mpanompo
Hivory eto indray androany
Ary hiderana Anao izany

Eny, tsy mendrika izahay,
Fa be ny ratsy vitanay
O ! ry Tompo be Fitia
Mba mamelà anay mpania

Ifonanay ny helokay
Ka mba sasao re ny otanay
Omeo anay ny Fahendrena
Omeo anay ny Famonjena

Koa mangataka izahay
Ambininao ity vokatray
Izay rehetra atao anie
Ianao no handrindra sy hamehy

Tahio ity tany honenanay
Tahio ny tanindrazanay
Tahio ny ray sy reninay
Ireo namanay ireo havanay

Dia tahionao ihany koa
Ity Andro ity r’ilay Tsitoha
Izao santa-bokatray izao
Tena ankinina aminao

Ireto vahoakanao rehetra
Hanan-jara tsy voafetra
Ka izao korana androany izao
Ho tena Voninahitrao anao

Nefa,

Tsy feno izato vavakay
Raha tsy ampiarahina indray
Amin’ilay vavaka izay
Nampianarinao anay : . . .


Vavaka natao nandritra ny santam-bokatry ny fiangonana tao Antsahabe Paris
--------