HENTITRA (RASOA)

Tsy ao an- tsainy ny handratra
Tetika ny vatravatra
Ekeny Izy hoe tsy mitsitsy
Nefa mazava sy mahitsy
Tiany mantsy ny ho henoina
Fa tsy resaka safoina
Mba ny rehetra no hanaraka
Dia tsy nasiany avakavaka
Amin'izay ho tadidy sy ho hajaina
Ireo torimarika notanisainy

Tsy sanatria miaramila
Fa tsy tiany mihitsy ny mibilabila
Hataony mihitsy izay hampandaitra
Na dia henonao mafaitra
Tsy misy resaka vazivazy
Na zavatra mandeha ho azy
Rehefa hentitra dia hentitra
Tsy maintsy tratrany ny fenitra

RASOA
MAY 2012
--------