TSY MISY FETRA (RASOA)

Ianareo no tiako
Na Hendry na maditra
Na tafita na fatritra
Na dondrona na mahay
Ianareo no ahy

Ianareo no tsy foiko
Na lavitra na akaiky
Na mandà na manaiky
Na manadino na mahatsiaro
Ianareo tsy atakalo

Ianareo no ezahiko
Na marary aho na Salama
Na mangatsiaka na mafana
Na andavan'andro na alahady
Ho anareo aho dia mitady

Ianareo no fifaliako
Na malahelo aho na mirana
Na mahaomby na mitsimbilana
Na anaty tsiky na lonilony
Ianareo no mahatony

Ianareo no reharehako
Na tafavoaka na koa hoe rendrika
Na tsara toetra na tsy mendrika
Na tokantena na ho roa
Ianareo nahitako soa

Ianareo no fiainako
Rivotra iainako
Afo itsilovako
Rano ivelomako
Tany hipoirana

RASOA
FEBROARY 2013
--------