MAMA (Rold)

MAMA

Ianao ry Mama
'Lay dobo manga roa
Tsy mba manam-paharoa
'Lay loharano niaviana
Nitaiza, nanabe am-pifaliana

Ianao ry Mama
'Lay niankin-drindrina irery
Niaritra ny ratra sy ny fery
Mpananatra ary koa mpiteny
Nanjohy anay ombieny ombieny

Ianao ry Mama
'Lay ampinga fiarovana
Teto an-tany fandalovana
'Lay toky mpamaha olana
Raha tojo sakana ny lalan-kizorana

Ireo vitanao ry Mama
Mitoetra ato am-po
Mitamberina ato an-doha
Tsy mba maty, tsy mba lo.

Rold: 033 07 979 75
Boky KABARY MIRINDRA
--------