F I T A K A ny T O K Y (SOLIMAH)

Fitaka ny toky
raha vao tsy arahina asa.
Rotika ny boky,
Raha sendra ka voasasa.
Rendrika ny sambo
raha dobo anaty rano,
Ka tsy idinginan-drambo
ny fiainan-tokantrano
fa mila fandeferana,
Ilàna fiheverena,
Mitaky fo maharitra
sy teny mahafinaritra.
Tsy maintsy mila sira
sy angotingoty an-kira,
Karazana leviora
hitazona ny tsirony.
Tsy mila be filirony
amin'ny ady sarim-pingotra!
Fitiavana mafana
no tokony asaringotra
hiraisan'ny fitia
sy fon'ny olon-droa.

....S O L I M A H.....
®251019©
--------