Raozim-pahendrena (Vetso mena)

_ androany aho Ramalala, hiteny kely Aminao
Noho isika efa ela niarahana, tsy nifandao
Efa naniry ary nivelatra,lay raozin'ny fitia
Ka nahatonga antsika roa ho lasa mpifankatia

_ ankehitriny anefa dia efa heritaona androany
Lay fotoana niarahana, asa raha tsaroanao any
Fa heritaona toy izao isika roa no nivoady
Hoe hiaraka hisantatra lay fiainana ho avy

_ natolotro tamin'ireny, lay raozin'ny fitia
Ho fanambarako Aminao, f'izaho efa tia
Ka atolotro androany, lay raozim-pahendrena
Ho marika fa tsy hiala aho na misy aza ny sedra

_ raiso ka apetraho, eo amin'ilay vazinao
Eo amin'ny latabatra mba ho hitan'ny masonao
Ka ampiaraho eo avokoa, lay raozy keliko roa
Mba hahatsiarovanao, fa apetrako Aminao ny soa
--------