HIRAHIRAKO (Zay LAFATRA)

Ô!ry Voary malalan'ny saina!
maharavo sy mendrika ny endrikao.
Hiran'ny fiainako tsy tanisaina,
ny hamaron'ny fitiavako anao.

Ô!ry Voary malalan'ny fanahy!
Manidina aminao ny fihevitro izany.
Inoako angamba fa ianao toa ahy!
Mahatsiaro androany mandefa vinany.

Ô!ry Voary malalan'ny vatana!
Tena ianao ilay fanamperana.
Fanamperan'ny aiko ho namana,
fa ny fonao iny no tiako honenana.

Ry voary nirian'ny foko!
Mitempo aminao izany fitiavako.
Miangola mitaky ny zoko,
fa zon'ny fitiavako no nitenenan'ny vavako.

Ry Voary ny fiainako ihany,
mbola ianao ilay mamiko indrindra!
Ianao ilay tokana tsy roa aman-tany!
Nitempoan'ny fitiavako tsy mety mifindra.

Na any alavitra any ary izaho,
tsy maitsy manonona ny anaran-dry!
Tena ny saiko mihitsy ange no manda,
fa mba hirao ao am-poko ilay tena fitia.

R.VN.H
15/07/16
--------