alina (AINA77)

tao anaty alina mangina
no namoronako ity vetso,
teo ambonin'ny fandriana,
tsy mba matory fa misento,

mandefa saina any ho any,
toa very very ny fanahy,
moa e, ve eto an-tany ,
mba misy mijaly toa ahy,

loko tokana no mba tazako,
dia ny maintmainty izany,
ranomaso manenika ny tavako,
ho aiza mo fa eto iany,

akon'ny alina mangina,
sisa reko mandrotsirotsy,
satria tsy hita ho vinanina,
izany hahita loko fotsy,

feon'angely no mba namana
sy rivotra misasosaso
saingy tsy hita ho raisintanana
na hantenaina hanafosafo

mba any hazoko antenaina,
ary manentena koa ny foko,
mino aho fa ho avy ny maraina,
ka ny mainty hiova loko

(mety mbola hitohy)
--------