fanantenana (AMN (Arialy))
Mbola tsisy niantsa
(Nalaina tao amin'ny vetso.serasera.org)
tadidio fa misy foana ny sakafo raha hoe noana
na dia kely sy tsy tsara
fa mba atao hoe sahala
misy ny andro mafimafy
ka voatery mampihafy
misy ny andro tsy apoizina
mapijaly toa andevozina
na sahirana aza ny tena
ka mijaly, mahonena
diniho anefa ny any an-kafa
fa fijaliana, jafajafa.
aleo ny saina atao ambony
fa tsy ho takatra irony
lanitra avo, tsy voatsapa
izay famonjena fa hoe lapa
fantaro fa mandalo ireny
ary misava tsy ankiteny
toy ny fahatongavany iany
satria izany ny eto an-tany
ny mazava hoavy foana
ny masoandro hanafoana
ilay haizina nandalo
ilay natao ho fahavalo
raha ny kivy tsy hatao
fa hamafiso ny sainao
hisy tsiky, hazavana
hitondra soa sy hafanana.
--------
Rohy:
Sokajy :
fanantenana - fiainana