vavaka ho azy (atolotra hoan'izay marary, mahatsiaro tena ho irery) (AMN (Arialy))

Ho anao izay mijaly
fa irery sy marary
no mba ilazako izao
ka aoka ho fantatrao

fa misy olona any ho any
miahy anao ka mitomany
malahelo sy mivavaka
ary tena tsy manavaka

fantatro fa tena mafy
ny mahazo ka miafy
tsy miteny, miferin'aina
ary koa tsy mitaraina

mahatsiaro, mankahery
malahelo anao irery
ampiakaro ny sainao
tohizo foana ny lalao

mihirà sy mitsikia
fa aza atao mankahia
ny aretina sy ny sisa
araraoty ny andro sisa

fantatro fa tsy mba mora
fa ao koa ny manakora
aza asiana jery ireny
aza henoina raha miteny


hamaranako ny teniko
hamafisiko, tsy neniko
vavaka no mba vitako
satria ianao tsy hitako.
--------